لودھراں: اسسٹنٹ کمشنر لودھراں خواجہ محمد عمیر محمود نے آج صبح اراضی ریکارڈ سنٹر راجہ پور کا اچانک دورہ ۔
لودھراں: اسسٹنٹ کمشنر لودھراں خواجہ محمد عمیر محمود نے آج صبح اراضی ریکارڈ سنٹر راجہ پور کا اچانک دورہ کیا.. سائلین سے انکے مسائل کا پوچھا اور اراضی ریکارڈ سنٹر راجہ پور سے متعلق مسائل کے بارے میں فیڈ بیک لیا. انچارج اراضی ریکارڈ سنٹر راجہ پور کو ڈیوٹی پر موجود نہ ہونے پر فوری شوکاز جاری کرتے ہوئے جواب طلب کر لیا.
ن لیگ میں گزارے ہوئے چالیس سال اندھیروں میں گذارے۔ امجد اقبال جندارن۔ تفصیل کے مطابق گذشتہ روز چک نمبر 100-ایم نصرت کالونی کی جندران فیملی نے ن لیگ سے چالیس سالہ رفاقت ختم کرکے پاکستان تحریک انصاف میں شمولیت اختیار کرلی۔ اس موقع پر مہمان خصوصی مہر اکرم سیال (تحصیل صدر و سابق چیرمین) نے اپنے خطاب میں کہا کہ ہم اپنے قائد جناب جہانگیر خان ترین کا شکریہ ادا کرتے ہیں جنہوں نے لودھراں میں سیاست شروع کرکے نا صرف اہلیان لودھراں کو ملک بھر میں شناخت دلوائی بلکہ ہم پر گزشتہ چالیس سال سے مسلط لیٹروں ،رسہ گیروں تھانہ کلچر کی سیاست کرنے والوں سے نجات دلوائی۔ انہوں نے مزید کہا کہ ہم نے ہمیشہ حق اور سچ کی سیاست کی ہے ۔ہم جندران فیملی کی امیدوں پر ہر ممکن پورا اترنے کی کوشش کریں گے۔ اس موقع پر امجد اقبال جندران نے اپنے خطاب میں کہا کہ ن لیگ کی رفاقت میں گزارے چالیس سال ہم نے اندھیروں میں گزارے۔ ہمارے بزرگ اور نوجوان روشنی کے متلاشی رہے۔ ہم نے پٹواری اور تھانہ کلچر کی سیاست میں زندگیاں گزاریں۔ انشااللہ عمران خان اور جہانگیرترین نے جس ویژن کی سیاست کا آغاز کیا ہے ہم انکے شانہ بشانہ کھڑا ہونگے۔ مہراکرم سیال لودھراں میں شرافت اور میرٹ کا دوسرا نام ہے۔ن لیگ چھوڑ کر پاکستان تحریک انصاف میں شمولت اختیار کرنے والوں میں محمد عباس جندران،محمد امجد جندران،محمد پرویز جندران،محمد اقبال جندران،مہر محمد اسلم سبوانہ سیال اور نصرت کالونی کی تمام جندران برادری۔ اس موقع پر مہر محمد اشرف، سید باغ علی نقوی،ساجد انعام طور،چودہری محمد نوید،احمد شیر لودھرا، شہزاد لودھرا، مہر محمد اختر اور محند آفتاب موجود تھے۔
لودھراں: ایڈیشنل ڈپٹی کمشنر ریونیو سید محمد عباس شاہ نے گورنمنٹ کامرس کالج لودھراں میں بنائے گئے احساس کفالت سنٹرکا معائنہ کیا۔انہوں نے امدادی رقم کے حصول کے لیے آئی ہوئی خواتین سے امداد کے حصول میں دشواری ودیگر مشکلات کے حوالے سے استفسار کیا۔ انہوں نے امداد کی وصولی کے لیے آئی ہوئی خواتین سے دریافت کیا کہ ان سے کسی بھی شکل میں کوئی رشوت تو طلب نہیں کی گئی ہے جس پر تمام خواتین نے کہا کہ امدادی رقوم کی فراہمی میں کسی بھی قسم کی رشوت نہیں لی گئی۔ ایڈیشنل ڈپٹی کمشنر ریونیو سید محمد عباس شاہ نے احساس کفالت مرکز میں خواتین کے بیٹھنے کے لیے سایہ دار جگہ اور پینے کے صاف و شفاف پانی کی فراہمی کو بھی یقینی بنانے کی ہدایت کی۔انہوں نے اس موقع پر افسران کو ہدایت کی کہ امداد کی وصولی کے لئے آئے ہوئی خواتین کا چھ 6 فٹ کا فاصلہ برقرار رکھا جائے آئے ور ان کو کسی بھی دشواری کا سامنا نہ کرنا پڑے۔
دنیاپور: یوتھ ونگ ضلع لودھراں کے صدر چوہدری ثقلین گجر ایڈووکیٹ نے اپنے گورننگ باڈی کے پہلے اجلاس سے مخاطب ہوتے ہوئے کہا کہ ہم ضلع لودھراں کے تمام نظریاتی ورکرز جو یوتھ ونگ کے ساتھ کئی سالوں سے جڑے ہیں،ان تمام ورکرز کو تحصیل اور یونین کونسل لیول سطح تک ذمہ داریاں دیں گے اور تمام ضلعی قائدین کو ساتھ لے کر چلنے کی ہدایت۔صدر ضلع لودھراں کے تمام خواہش مند افراد کیلئے اپنے بیانیہ میں کہا کہ مرکزی ہدایات کے مطابق تمام خواہش مند یوتھ کے نوجوان اپنی CVیوتھ کے پورٹل جا کر اپلائی کریں۔جس کا باقاعدہ آغاز 30-11-2020بروز سوموار کر دیا جائے گا۔جس کے تحت ایک صاف شفاف نظام کے ذریعے ہم تحصیل اور سٹی کی تنظیم سازی کریں گے۔تا کہ کسی بھی نظریتی ورکر کاحق تلف نہ ہو اور میرٹ پر تنظیم سازی کی جا سکے۔پی ٹی آئی یوتھ ونگ کے ساتھ پنجاب کے صدر تیمور اسلام صاحب اور ان کی ٹیم ساؤتھ پنجاب نے مرکزی قیادت کی مشاورت سے ساؤتھ پنجاب کے 10اضلاع کے نوٹیفیکیشن جاری کر دیئے۔ضلع لودھراں کے چوہدری ثقلین گجر ایڈووکیٹ صدر نامزد،نوٹیفیکیشن جاری۔گورننگ باڈی کے اجلاس میں ضلع لودھراں یوتھ ونگ کے آئندہ لائحہ عمل کے بارے میں بھی فیصلے کئے گئے۔اس اجلاس کی صدارت چوہدری ثقلین گجر ایڈووکیٹ صدریوتھ ونگ لودھراں،ضلعی جنرل سیکرٹری یوتھ ونگ انجینئر عبدالرحمن،انفارمیشن سیکرٹری ملک شہباز آرائیں ،ڈپٹی جنرل سیکرٹری عامر افضل،ایڈیشنل جنرل سیکرٹر ی چوہدری شاہد،نائب صدر چوہدری فرقان اور باقی تمام ضلعی عہدیداروں نے شرکت کی۔
لودھراں: کہروڑپکا روڈ پر دھنوٹ کے قریب تیز رفتار کار نے موٹر سائیکل کو ٹکر مار دی حادثے کے نتیجے میں موٹر سائیکل سوار خاتون گزار بی بی موقع پر ہی جان بحق ہو گئی جبکہ اسکا خاوند عاشق سمیت تین بچے احمد عمر چھ سال ، کرن بی بی عمر آٹھ سال اور آمنہ بی بی عمر دس سال شدید زخمی ہوئے۔ حادثے کی اطلاع پر ریسکیو اہلکار پہنچ گئے زخمیوں کو طبی امداد فراہم کرنے کے بعد اسپتال منتقل کر دیا گیا ہے حادثہ کار سوار کی تیز رفتاری کے باعث پیش آیا پولیس مصروف تفتیش ہے حادثے کا شکار خاندان بستی غریب آباد وارڈ نمبر 30 لودھراں کے رہائشی ہیں ۔
لودھراں :ضلع لودھراں میں حکومت پنجاب اور عالمی ادارہ صحت کے باہمی تعاون سےانسداد ٹائیفائیڈ کیلئے خصوصی مہم کا انعقاد آئندہ سال کے آغاز سے کیا جائے گا۔ انسداد ٹائیفائیڈمہم کا باقاعدہ آغاز یکم فروری 2021سے ہوگا جو 13فروری 2021تک جاری رہے گی۔ مہم کے دوران 9ماہ سے 15سال تک کی عمر کے ایک لاکھ 3ہزار263بچوں کو انسداد ٹائفائیڈ ویکسین کے ٹیکے لگائے جائیں گے ۔ دو سال یا دو سال سے کم عمر کے بچوں کو دائیں کولہے پر جبکہ دو سال سے بڑے، 15سال تک کی عمر کے بچوں کو دائیں بازو میں گوشت کے ٹیکے لگائے جائیں گے۔ انسداد ٹائیفائیڈکے حوالے سے جائزہ اجلاس ڈپٹی کمشنر عمران قریشی کی زیرصدارت ڈپٹی کمشنر آفس کے کمیٹی روم میں منعقد ہوا۔اجلاس میں عالمی ادارہ صحت کے نمائندہ ڈاکٹرز نے مہم باے تفصیلی بریفنگ دی۔ انہوں نے بتایا کہ انسداد ٹائیفائیڈ کے اہداف کا 42فیصد حصہ شہری آبادی پر مشتمل ہے۔ انہوں نے بتایاکہ بچوں کوٹیکے لگانے کیلئے تربیت یافتہ اور ماہر عملہ تعینات کیا جائے گاجن کی مانیٹرنگ کیلئے خصوصی طوپر ڈاکٹرز موجود ہونگے۔ اجلاس کو بتایا گیا کہ انسداد ٹائیفائیڈمہم میں محکمہ ریسکیو1122سے بھی مدد لی جائے گی،1122 کی ایمبولینسز متعلقہ علاقوں میں پٹرولنگ پر تعینات ہونگی۔ اجلاس کو بتایا گیاکہ کسی بھی قسم کے ری ایکشن کے علاج معالجہ کیلئے ماہرین ڈاکٹرز ٹیم بھی تعینات ہو گی۔ اجلاس کو بتایا گیاکہ آبادی میں ٹائیفائیڈسے متاثرہ کیسز کی تعداد تیزی سے بڑھ رہی ہیے جن کے سد باب کیلئے حکومت پنجاب اور عالمی ادارہ صحت ٹھوس اقدامات کر رہاہے۔ اجلاس کو بتایا گیاکہ ٹائیفائیڈکے کیسز بڑھنے کی بڑی وجہ ٹائیفائیڈ کا مکمل علاج نہ کرنا یا مقررہ معیار کے مطابق علاج کیلئے مقررہ مدت کے مطابق دوا نہ لینا اور مقررہ مقدار سے کم ادویات لینا ہے۔ اجلاس میں عالمی ادارہ صحت کے نمائندہ ڈاکٹرز نے بتایا کہ انسداد ٹائیفائیڈکے ٹیکوں کے ذریعے ویکسین لگانے سے مرض کا مکمل اور مستند علاج معالجہ ممکن ہوگا۔
