لودھراں: اسسٹنٹ کمشنر لودھراں خواجہ محمد عمیر محمود نے تحصیل لودھراں میں بنائے گئے احساس کفالت پروگرام کے ڈسٹری بیوشن سنٹرز کا معائنہ کیا ۔

لودھراں: اسسٹنٹ کمشنر لودھراں خواجہ محمد عمیر محمود نے تحصیل لودھراں میں بنائے گئے احساس کفالت پروگرام کے ڈسٹری بیوشن سنٹرز کا معائنہ کیا ۔

لودھراں: آج ملک بھر میں احساس کفالت کی جولائ 2020 تا دسمبر 2020 کی قسط کی ادائیگیوں کا آغاز ہوگیا ہے.اسی سلسلے میں اسسٹنٹ کمشنر لودھراں خواجہ محمد عمیر محمود نے تحصیل لودھراں میں بنائے گئے احساس کفالت پروگرام کے ڈسٹری بیوشن سنٹرز گورنمنٹ کامرس کالج لودھراں, گورنمنٹ گرلز ہائی سکول قریشی والا اور گورنمنٹ گرلز ہائی سکول عبداللہ پور کا دورہ کیا. اسسٹنٹ کمشنر لودھراں نے سنٹرز پر اقدامات کا جائزہ لیا اور مزید بہتر انتظامات کی ہدایت کی. مزید ان کا یہ کہنا تھا کہ احساس کفالت پروگرام کی شفافیت اور حقدار تک حق پہنچانے میں کسی قسم کی لاپرواہی برداشت نہیں کی جائے گی.  اس پروگرام سے متعلق عوام کو کسی قسم کی مشکل یا پریشانی کا سامنا ہو تو اسسٹنٹ کمشنر لودھراں کی فیس بک گروپ میں شکایت درج کرا سکتے ہیں. 

لودھراں: ایڈیشنل ڈپٹی کمشنر ریونیو سید محمد عباس شاہ کا گورنمنٹ کامرس کالج لودھراں میں بنائے گئے احساس کفالت سنٹرکا معائنہ

لودھراں: ایڈیشنل ڈپٹی کمشنر ریونیو سید محمد عباس شاہ کا گورنمنٹ کامرس کالج لودھراں میں بنائے گئے احساس کفالت سنٹرکا معائنہ

 لودھراں: ایڈیشنل ڈپٹی کمشنر ریونیو سید محمد عباس شاہ نے گورنمنٹ کامرس کالج لودھراں میں بنائے گئے احساس کفالت سنٹرکا معائنہ کیا۔انہوں نے امدادی رقم کے حصول کے لیے آئی ہوئی خواتین سے امداد کے حصول میں دشواری ودیگر مشکلات کے حوالے سے استفسار کیا۔ انہوں نے امداد کی وصولی کے لیے آئی ہوئی خواتین سے دریافت کیا کہ ان سے کسی بھی شکل میں کوئی رشوت تو طلب نہیں کی گئی ہے جس پر تمام خواتین نے کہا کہ امدادی رقوم کی فراہمی میں کسی بھی قسم کی رشوت نہیں لی گئی۔ ایڈیشنل ڈپٹی کمشنر ریونیو سید محمد عباس شاہ نے احساس کفالت مرکز میں خواتین کے بیٹھنے کے لیے سایہ دار جگہ اور پینے کے صاف و شفاف پانی کی فراہمی کو بھی یقینی بنانے کی ہدایت کی۔انہوں نے اس موقع پر افسران کو ہدایت کی کہ امداد کی وصولی کے لئے آئے ہوئی خواتین کا چھ 6 فٹ کا فاصلہ برقرار رکھا جائے آئے ور ان کو کسی بھی دشواری کا سامنا نہ کرنا پڑے۔

لودھراں: یوتھ ونگ ضلع لودھراں کے صدر چوہدری ثقلین گجر ایڈووکیٹ نے اپنے گورننگ باڈی کے سے پہلا اجلاس کیا

لودھراں: یوتھ ونگ ضلع لودھراں کے صدر چوہدری ثقلین گجر ایڈووکیٹ نے اپنے گورننگ باڈی کے سے پہلا اجلاس کیا

 دنیاپور: یوتھ ونگ ضلع لودھراں کے صدر چوہدری ثقلین گجر ایڈووکیٹ نے اپنے گورننگ باڈی کے پہلے اجلاس سے مخاطب ہوتے ہوئے کہا کہ ہم ضلع لودھراں کے تمام نظریاتی ورکرز جو یوتھ ونگ کے ساتھ کئی سالوں سے جڑے ہیں،ان تمام ورکرز کو تحصیل اور یونین کونسل لیول سطح تک ذمہ داریاں دیں گے اور تمام ضلعی قائدین کو ساتھ لے کر چلنے کی ہدایت۔صدر ضلع لودھراں کے تمام خواہش مند افراد کیلئے اپنے بیانیہ میں کہا کہ مرکزی ہدایات کے مطابق تمام خواہش مند یوتھ کے نوجوان اپنی CVیوتھ کے پورٹل جا کر اپلائی کریں۔جس کا باقاعدہ آغاز 30-11-2020بروز سوموار کر دیا جائے گا۔جس کے تحت ایک صاف شفاف نظام کے ذریعے ہم تحصیل اور سٹی کی تنظیم سازی کریں گے۔تا کہ کسی بھی نظریتی ورکر کاحق تلف نہ ہو اور میرٹ پر تنظیم سازی کی جا سکے۔پی ٹی آئی یوتھ ونگ کے ساتھ پنجاب کے صدر تیمور اسلام صاحب اور ان کی ٹیم ساؤتھ پنجاب نے مرکزی قیادت کی مشاورت سے ساؤتھ پنجاب کے 10اضلاع کے نوٹیفیکیشن جاری کر دیئے۔ضلع لودھراں کے چوہدری ثقلین گجر ایڈووکیٹ صدر نامزد،نوٹیفیکیشن جاری۔گورننگ باڈی کے اجلاس میں ضلع لودھراں یوتھ ونگ کے آئندہ لائحہ عمل کے بارے میں بھی فیصلے کئے گئے۔اس اجلاس کی صدارت چوہدری ثقلین گجر ایڈووکیٹ صدریوتھ ونگ لودھراں،ضلعی جنرل سیکرٹری یوتھ ونگ انجینئر عبدالرحمن،انفارمیشن سیکرٹری ملک شہباز آرائیں ،ڈپٹی جنرل سیکرٹری عامر افضل،ایڈیشنل جنرل سیکرٹر ی چوہدری شاہد،نائب صدر چوہدری فرقان اور باقی تمام ضلعی عہدیداروں نے شرکت کی۔

لودھراں۔کہروڑپکا روڈ دھنوٹ کے قریب کار کی موٹر سائیکل کو ٹکر ایک خاتون موقع پر جانبحق جبکہ تین بچوں سمیت 4 زخمی۔

 لودھراں۔کہروڑپکا روڈ دھنوٹ کے قریب کار کی موٹر سائیکل کو ٹکر ایک خاتون موقع پر جانبحق جبکہ تین بچوں سمیت 4 زخمی۔

لودھراں: کہروڑپکا روڈ پر دھنوٹ کے قریب تیز رفتار کار نے موٹر سائیکل کو ٹکر مار دی حادثے کے نتیجے میں موٹر سائیکل سوار خاتون گزار بی بی موقع پر ہی جان بحق ہو گئی جبکہ اسکا خاوند عاشق سمیت تین بچے احمد عمر چھ سال ، کرن بی بی عمر آٹھ سال اور آمنہ بی بی عمر دس سال شدید زخمی ہوئے۔ حادثے کی اطلاع پر ریسکیو اہلکار پہنچ گئے زخمیوں کو طبی امداد فراہم کرنے کے بعد اسپتال منتقل کر دیا گیا ہے حادثہ کار سوار کی تیز رفتاری کے باعث پیش آیا پولیس مصروف تفتیش ہے حادثے کا شکار خاندان بستی غریب آباد وارڈ نمبر 30 لودھراں کے رہائشی ہیں ۔

لودھراں: ضلع لودھراں میں حکومت پنجاب اور عالمی ادارہ صحت کے باہمی تعاون سےانسداد ٹائیفائیڈ کیلئے خصوصی مہم کا انعقاد

لودھراں: ضلع لودھراں میں حکومت پنجاب اور عالمی ادارہ صحت کے باہمی تعاون سےانسداد ٹائیفائیڈ کیلئے خصوصی مہم کا انعقاد

لودھراں :ضلع لودھراں میں حکومت پنجاب اور عالمی ادارہ صحت کے باہمی تعاون سےانسداد ٹائیفائیڈ کیلئے خصوصی مہم کا انعقاد آئندہ سال کے آغاز سے کیا جائے گا۔ انسداد ٹائیفائیڈمہم کا باقاعدہ آغاز یکم فروری 2021سے ہوگا جو 13فروری 2021تک جاری رہے گی۔ مہم کے دوران 9ماہ سے 15سال تک کی عمر کے ایک لاکھ 3ہزار263بچوں کو  انسداد ٹائفائیڈ ویکسین کے ٹیکے لگائے جائیں گے ۔ دو سال یا دو سال سے کم عمر کے بچوں کو دائیں کولہے پر جبکہ دو سال سے بڑے، 15سال تک کی عمر کے بچوں کو دائیں بازو میں گوشت کے ٹیکے لگائے جائیں گے۔ انسداد ٹائیفائیڈکے حوالے سے جائزہ اجلاس ڈپٹی کمشنر عمران قریشی کی زیرصدارت ڈپٹی کمشنر آفس کے کمیٹی روم میں منعقد ہوا۔اجلاس میں عالمی ادارہ صحت کے نمائندہ ڈاکٹرز نے مہم باے تفصیلی بریفنگ دی۔ انہوں نے بتایا کہ انسداد ٹائیفائیڈ کے اہداف کا 42فیصد حصہ شہری آبادی پر مشتمل ہے۔ انہوں نے بتایاکہ بچوں کوٹیکے لگانے کیلئے تربیت یافتہ اور ماہر عملہ تعینات کیا جائے گاجن کی مانیٹرنگ کیلئے خصوصی طوپر ڈاکٹرز موجود ہونگے۔ اجلاس کو بتایا گیا کہ انسداد ٹائیفائیڈمہم میں محکمہ ریسکیو1122سے بھی مدد لی جائے گی،1122 کی ایمبولینسز متعلقہ علاقوں میں پٹرولنگ پر تعینات ہونگی۔ اجلاس کو بتایا گیاکہ کسی بھی قسم کے ری ایکشن کے علاج معالجہ کیلئے ماہرین ڈاکٹرز ٹیم بھی تعینات ہو گی۔ اجلاس کو بتایا گیاکہ آبادی میں ٹائیفائیڈسے متاثرہ کیسز کی تعداد تیزی سے بڑھ رہی ہیے جن کے سد باب کیلئے حکومت پنجاب اور عالمی ادارہ صحت ٹھوس اقدامات کر رہاہے۔ اجلاس کو بتایا گیاکہ ٹائیفائیڈکے کیسز بڑھنے کی  بڑی وجہ ٹائیفائیڈ کا مکمل علاج نہ کرنا یا مقررہ معیار کے مطابق علاج کیلئے مقررہ مدت کے مطابق دوا نہ لینا اور مقررہ مقدار سے کم ادویات لینا ہے۔ اجلاس میں عالمی ادارہ صحت کے نمائندہ ڈاکٹرز نے بتایا کہ انسداد ٹائیفائیڈکے ٹیکوں کے ذریعے ویکسین لگانے سے مرض کا مکمل اور مستند علاج معالجہ ممکن ہوگا۔

لودھراں: دریائے ستلج میں 10 سالہ لڑکا ڈوب کر جاں بحق ہوگیا ۔

لودھراں: دریائے ستلج میں 10 سالہ لڑکا ڈوب کر جاں بحق ہوگیا

۔

لودھراں۔ گزشتہ روز دریائے ستلج میں کہروڑپکا کے نواحی علاقے دربار 22 شہیداں ڈیرہ جنڈ کے مقام پر 10 سالہ لڑکا محمد اکرم ولد محمد بلال جو بہاولپور کا رھائشی تھا دریا عبور کرتے ھوئے دریا میں ڈوب گیاجس کی اطلاع ملنے پر اسپیشل واٹر ریسکیو ٹیم نے موقع پر پہنچ کر سرچ اینڈ ریسکیو آپریشن شروع کیا گزشتہ شام اندھیرے میں آپریشن روک دیا گیا تھا آج صبح آپریشن دوبارہ شروع کیا گیا 6 گھنٹے کے طویل ریسکیو آپریشن کے بعد ریسکیو ٹیم نے دریا میں ڈوبے لڑکے کی نعش تلاش کر لی۔ریسکیو ٹیم ضروری کاروائی کے بعد نعش ورثہ کے حوالے کردی۔